14-ти Воведен курс по астрономија

И оваа година им даваме можност на сите љубители на астрономијата да го направат првиот чекор во оваа интересна наука.

Од 14-ти мај до 11-ти јуни Скопско астрономско друштво го организира 14-тиот по ред Воведен курс по астрономија. Целта на курсот е посетителите да се запознаат со основните принципи и факти од областа на астрономијата, без да им бидат потребни предзнаења од оваа наука. Низ секојдневни примери, многу слики, анимации и неколку важни равенки, ќе се обидеме да ви ги доближиме астрономските термини и нивното значење. Курсот е обмислен да ги следи темите кои ги обработува кој било учебник по астрономија.


Предавањата ќе се одржуваат три пати неделно - понеделник, среда и петок, на Машинскиот факултет со почеток од 20:00 часот. Ќе започнат во понеделник, 14-ти мај, а предвидени се 11, од кои две ќе се одржат во Планетариумот при Младинскиот Културен Центар во Скопје. Предавањата ќе завршат на 6-ти јуни, по што ќе следи опционен тест, а потоа и доделување на дипломи за успешните слушатели.

Редоследот на предавања е следниот:

14.05	Основни поими во астрономијата
16.05	Основни закони во астрономијата
18.05	Сонце
21.05	Соѕвездија и координатни системи
23.05	Сончев систем I
25.05	Сончев систем II
28.05	Еволуција на ѕвезди
30.05	Оптички инструменти и астрономски софтвер
01.06	Космологија
04.06	Галаксии

Цената за целокупниот курс е 1500 денари. Членовите на Скопското астрономско друштво, како и студентите на Машинскиот факултет имаат попуст за вакви настани, па за нив цената е 900 денари. Во цената се вклучени:

• скрипта со материјали од курсот

• посета на Планетариумот

• теренско набљудување со телескопи

• завршен тест

• диплома

За повеќе информации пишете нѝ на kontakt@astronomija.com.mk, или јавете се на  076/439027 (Радан) и 070/275642 (Филип).

Благодарност до Машинскиот факултет во Скопје за поддршката.