Рудине 16.03.2012

Во долгиот зимски период со големи снегови и мразови не одевме на терен ниту да гледаме ниту да сликаме. Штом малку се затопли, се пројави желба за одење на терен па се организиравме и петмина од нас отидовме на терен со 4 телескопи.

Искра си го носеше нејзиниот двоглед со кој навистина се изнагледавме. Тоа е извонреден инструмент за отворени јата и поголеми маглини, така да беше интересно по прв пат да се види Орионовата маглина.


Го носевме и големиот Добсон, па со него гледавме многу од објектите на длабокото небо како и планетите кои се во моментот актуелни. По прв пат оваа година со него го видовме и Сатурн со неговите 4 сателити. Никола и Петар беа задолжени  за работа на Добсонот.

Го носевме и за последен пат LX200, но со него многу малку гледавме. Како и обично, со него изгубивме многу време за позиционирање.

Томи, како и обично, беше задолжен за астрофотографија, така да на фотосетапот го поставил Скопос телескопот и објективот Таир од 300мм. Метите на фотографирање можете да ги видите во овој извештај.